Konfiskohen 260 litra alkool pa banderola

Dogana e Kosovës ka konfiskuar 260 litra alkool të llojeve të ndryshe ngase ishin pa banderola, e të cilat ishin të destinuara për kontrabandë.
Ato janë kapur në një veturë e cila po udhëtonte përgjatë magjistrales Mitrovicë - Prishtinë.

Kjo ka ndodhur gjatë patrullimit që kanë bërë njësitë mobile të Doganës së Kosovës në rajonin e Mitrovicës, duke vërejtur kështu një veturë të tipit Opel Kadet si të dyshimtë.

Oficerët Doganorë kanë urdhëruar vozitësin që të ndaloj, mirëpo personi në fjalë nuk i është përgjigj urdhrave të tyre dhe ka tentuar të ikte. Oficerët i janë vënë pas dhe kanë arritur ta ndalojnë.

Sasia e mallit të zbuluar ka qenë Gorki List, 1 lit. 66 litra gjithsej, pastaj Zhdrepceva krv – verë, 0.187 lit. – 56 litra, Stomaklia, 1 lit. – 42 litra, Atlantik vodka 1 lit. – 6 litra, Vinjak rubin 1 lit. – 60 litra si dhe Medvedev krv – verë, 1 lit. – 30 litra.

E tërë sasia e alkoolit është konfiskuar, ndërsa rasti komplet do t’i dorëzohet komisionit për kundërvajtje Doganore, për procedurë të mëtutjeshme.