Strama: Reagim i pabesueshëm

Strama: Reagim i pabesueshëm

Trajneri i Interit, Andrea Stramaccioni, u gëzua shumë pas ndeshjes kundër Catanias, ku lojtarët e tij e përmbysën rezultatin për të bërë një rikthim epik në lojë. Ai tha se askush nuk do të vinte bast që ata do ta fitonin lojën pas pjesës së parë.
”Ne ia filluam ndeshjes tmerrësisht keq, këtë e ndihmoi edhe atmosfera e çmendur në stadium”.

”Catania ia nisi mirë, gjersa ne bëmë gabime të tmerrshme në dy golat e parë që pësuam. Në kohë të këtilla, nëse ekipi nuk do të kishte dëshirë të madhe për fitore, atëherë do të kishte qenë jashtëzakonisht e vështirë për t’u kthyer në lojë”.

”Juan Jesus bëri një gabim në golin e parë, por dua t’ua bëj me dije që ai është i ri dhe u përmirësua në pjesën e dytë shumë sepse ka karakter të fortë”.

”Është një fitore jashtëzakonisht e rëndësishme, pasi e fituam ndaj një ekipi që është në formë të mirë këtë vit. Nuk e di se sa njerëz kanë vënë bast që ta fitonim ndeshjen pas pjesës së parë”, ka thënë Strama.