Strama: Eliminimi nga EL mund të ndikojë te Interi

nga Alberti Sat 16 Mar 2013 - 7:08

Strama: Eliminimi nga EL mund të ndikojë te Interi

Trajneri i Interit, Andrea Stramaccioni, ka frikë se eliminimi nga Europa League do të ndikojë te lojtarët në takimin e të dielës ndaj Sampdorias.
Nerazzurrët ishin mbresëlënës në takimin kthyes ndaj Tottenhamit duke fituar me rezultat 4-1, mirëpo humbja prej 3-0 në White Hart Lane, bëri që ata të përjashtoheshin nga Liga e Evropës.

Strategu italian po ashtu ka frikë se të zgjedhurit e tij do të jenë të lodhur pas ndeshjes prej 120 minutash ndaj Spursave.

“Ndeshja ndaj Sampdorias është e pesta brenda dy javësh mjaft intensive. Kjo më shqetëson më së shumti, sepse me problemet që kemi pasur e kemi shfrytëzuar kryesisht grupin e njëjtë të lojtarëve”, u ka thënë Strama gazetarëve.