Elefanti që bën masazh

Atraksioni kryesor në parkun turistik në Chiang Mai, në Tajlandë, është një elefant, dhe jo çfarëdo elefanti. Kjo shtazë që peshon 3 tonë di të bëjë masazh të përkryer për vizitorët e këtij parku, të cilët marrin guxim të futen nën këmbët e tij.
Elefanti është ushtruar që butësisht t’i bëjë masazh trajnerit të tij. Edhe pse peshon 3 tonë, elefanti butësisht lëshon këmbën mbi shpinën e trajnerit dhe fillon masazhin në pjesën “e sëmurë”.
Ndonëse ka të tillë që marrin guxim të futen nën këmbët e tij për një masazh, më të shumtë janë ata që frikësohen që ky t’iu bëjë masazh, marrë parasysh peshën e tij, dhe vetëm një lëshim total i këmbës mbi njeriun mund të jetë fatal, njoftojnë mediet britanike.