Treni godet një 90 vjeçar

Treni godet një 90 vjeçar

Policia e Kosovës ka njoftuar se gjatë orëve të fundit kanë ndodhur disa aksidente, ku si pasojë janë lënduar disa persona. Njëri ndër ta është edhe një 90 vjeçar nga fshati Baicë, i cili derisa ishte duke kaluar hekurudhën është goditur nga treni dhe ka pësuar lëndime trupore.
“Treni i cili ishte duke qarkulluar në drejtimin Fushë Kosovë - Pejë e që drejtohej nga një mashkull, ka goditur këmbësorin 90 vjeçar i cili ishte duke kaluar hekurudhën. Viktima ka pësuar lëndime trupore dhe i njëjti është dërguar në QKUK Prishtinë për tretman mjekësor dhe gjendja e tij është e rëndë”, transmeton KP.

Po ashtu, në fshatin Arbëri e Epërme të Gllogovcit është raportuar një aksident trafiku, ku i dyshuari me automjetin e tij në mënyrë të pakujdesshme ka goditur dy këmbësorë të cilët janë dërguar në QKUK për tretman mjekësor .