Notimi me peshkaqenët (Video)

Dashuria për natyrën dhe mbrojtjen e specieve e ka shtyrë Ocean Ramseyn në kufijtë e të paimagjinueshmes.
27-vjeçarja, një ish-modele dhe zhytëse, ka zgjedhur të notojë përkrah peshkaqenëve, për të treguar se shumë prej nesh kanë një mendim të gabuar duke i konsideruar peshkaqenët si vrasës të pamëshirshëm.

Në një intervistë për Daily Mail, ajo është krenuar se ka notuar përkrah 32 lloj peshkaqenësh dhe se ka “kalëruar” një peshkaqen të bardhë pesë metra të gjatë, një prej specieve të konsideruara si më agresivet ndaj njeriut.

“Është e vërtetë se ndonjëherë peshkaqenët sulmojnë, por vetëm atëherë kur ngatërrojnë një njeri me një pre të zakonshëm, siç mund të jetë një fokë. Megjithatë, peshkaqenët nuk janë aspak ata vrasësit e tmerrshëm që pasqyrojnë shumë filma rreth tyre”.

“Ndihem me shumë fat që kam kaluar disa prej momenteve më të mira të jetës sime përkrah peshkaqenëve të bardhë. Së fundmi, realizova notin tim të tretë përkrah tyre”, transmeton Top-Channel fjalët e Ramseyt.