Mou merret vesh me Perez për shfuqizimin e kontratës?

Mou merret vesh me Perez për shfuqizimin e kontratës?

Mediat spanjolle raportojnë se pavarësisht se si do ta përfundojë sezonin Real Madridi, Jose Mourinho gjatë verës do të largohet nga Santiago Bernabeu.
E përditshmja Marca shumë më herët ka njoftuar se portugezi është marrë vesh me presidentin e klubit, Florentino Perez, që t’i braktisë Mbretërit kur të përfundojë sezoni 2012/2013.

Ndërkaq, Cadena SER të hënën e ka konfirmuar këtë njoftim duke raportuar se Mourinho dhe Perez kanë nënshkruar edhe një marrëveshje, sipas së cilës, strategu portugez do t’i drejtojë Los Blancos deri në ditën e fundit të sezonit – në finale të Kupës së Mbretit (17 maj) apo eventualisht në finale të Ligës së Kampionëve (25 maj).

Kujtojmë që Real Madridi është në garë për Kupën e Mbretit (është kualifikuar në finale) dhe Ligën e Kampionëve (është kualifikuar në çerekfinale), ndërsa në La Liga gjendet shumë prapa liderit (13 pikë).