Të hënën merret vendimi për heqjen e vizave

Bashkimi Evropian (BE) pritet të vendosë përfundimisht të hënën për heqjen e regjimit të vizave me Shqipërinë e Bosnjën dhe Hercegovinën. Këshilli i Ministrave të Brendshëm pritet t’i hapë dritën jeshile heqjes së vizave për qytetarët e dy vendeve drejt zonës Schengen.

Sa i takon datës së hyrjes në fuqi, ky Këshill pritet të deklarojë vetëm se vendimi merr efekt një ditë pas botimit në fletoren zyrtare, por nuk do të përcaktojë një datë të qartë, siç ndodhi vitin e kaluar me Maqedoninë, Malin e Zi dhe Serbinë, njofton Start.

Më 7 tetor 2010, Parlamenti Evropian (PE) miratoi me shumicë votash rezolutën për heqjen e vizave për Shqipërinë dhe Bosnje Hercegovinën. Votimi i PE-së i paraprinw votimit të së hënës që do të ndërmerret nga Këshilli i Ministrave të Brendshëm të Bashkimit Evropian, ku do të vendoset përfundimisht liberalizimi i vizave për Shqipërinë dhe Bosnje-Hercegovinën.

Te shohim, kam frike se shume shqiptare po gezohen para kohe dhe nuk i kuptojne mire procedurat qe duhen ndjekur.