Rast i ri i pedofilisë në Shqipëri

Rast i ri i pedofilisë në Shqipëri

Një tjetër rast pedofilie denoncohet në polici. 59 vjeçari, Xhavit Biduli është vënë sot pasdite në pranga nga policët e Komisariatit 6, pasi ishte denoncuar për kryerje të veprime të turpshme me një nëntëvjeçare.
Denoncimi ishte bërë nga prindërit e vajzës, me inicialet R.B, në fshatin Pineq të Ndroqit, pak kilometra nga kryeqyteti. Referuar burime policore thanë për NOA se “Biduli ka kryer vepra të turpshme me vajzën që nga vera e kaluar dhe se e ka kërcënuar të miturën se do ta vriste atë dhe familjen nëse tregonte.”

“59 vjeçari e prekte në vende intime, në zona ku s'kishte kalimtarë. Priste që ajo të mbaronte shkollën dhe e ngacmonte”, thonë të njëjtat burime.

Policia tha se “familjarët e denoncuan dje dhe se sot u bë ndalimi.

I dyshuari mohon akuzat, por policia është e bindur se ai ka kryer vepra të turpshme, pasi është i skeduar si person me prirje pedofilie.