Blerjet me te shtrenjta ne historine e futbollit

nga **An0nim** Sun 21 Jul 2013 - 6:07

Me kalimin e tij tek PSG, Edison Kavani është bërë lojtari i pestë më i shtrenjtë i historisë së futbollit. Uruguaiani – i cili kërkohej nga shumë ekipe përfshirë dhe Real Madrid – zgjodhi opsionin e dollarëve të naftës. Pavarësish kësaj, kampionatit spanjoll mbetet kampionati me blerjet më të bujshme në histori. Katër lojtarët me çmimin më të lartë (Cristiano Ronaldo, Ibrahimovic, Zidane and Kaka) janë blerë pikërisht nga ekipe spanjolle.

Real Madrid mbete ekipi që ka paguar më shumë para për një lojtar, me 96 milionë euro për Ckristiano Ronaldo. Ekipi i vetëm që i afrohet madrilenëve, është Barcelona, e cila për të marrë Imbrahimovic dha Samuel Eto’o dhe para shtesë. Nga ekipet italian, blerjen më të shtrenjtë e ka bërë Lazio. Në vitin 2000 lacialët paguan 57 milionë euro për Hernan Crespo./shqiperia.com

nga **Anakonda** Wed 22 Oct 2014 - 19:48

Top 10 blerjet më të shtrenjta të historisë

Merkato e këtij viti ka filluar me lëvizje të bujshme dhe të kushtueshme dhe duket se ashtu edhe do të përfundojë.

Blerjet me te shtrenjta ne historine e futbollit Cfa74e0c-a606-40ce-80da-4d4e923aadeb---0-

Shuma marramendëse përfliten per futbollistë si Gareth Bale apo Cristiano Ronaldo dhe tendenca është gjithnjë në rritje, mjafton të shikojmë se si janë rritur çmimet e lojtarëve në vite ku dhjetëshen e parë të blerjeve më të mëdha në histori e nis Hernan Crespo për të cilin në vitin 2000 Lazio pagoi 55 milionë euro në arkat e Parmës.

Në vendin e nëntë qëndron një tjetër sulmues, edhe ai amerikano-jugor. Braziliani Hulk la Porton për tu bashkuar me Zenith për shifrën e 55 milionë eurove dhe për një pagë 60 milion euro në pesë sezone. Në vendin e tetë renditet sulmuesi më në formë për momentin braziliani Neymar që më në fund vendosi të largohet nga vendlindja dhe si destinacion të ardhshëm zgjodhi Barcelonën që pagoi 57 milionë euro për të siguruar shërbimet e tij.

Ai vazhdon të klasifikohet si një nga blerjet më të dështuara të Chelsea pavarësisht se ka fituar gjithcka që mund të fitohet në futbollin profesionist. Fernando Torres i kushtoi 58.5 milionë euro londinezëve që e morën nga Liverpool në janarin e 2011. Pas tij në vendin e gjashtë renditet një ish futbollist që ka shkruar historinë e dy prej klubeve më të mëdha në Europë, Barcelonës dhe Real Madridit. Luis Figo u quajt si tradhtar ku në verën e vitit 2000 pranoi ofertën e Florentino Perez që pagoi 60 milionë euro në arkat e katalanasve.

Të njëjtën shumë pagoi edhe Monaco e manjatit rus Dmitri Rybolovlev tek Atletico Madrid për të siguruar sulmuesin kolumbian Radamel Falcao që do të përfitojë një pagë prej 14 milionë eurosh në sezon.

Real Madrid është padyshim skuadra që ka dominuar këtë dhjetëshe pasi në vendin e katërt renditet braziliani Kaka. Ish ylli i Milanit la skuadrën kuqezi në mandatin e dytë të Florentino Perez i cili pagoi 65 milionë euro për ta sjellë atë në Bernabeu. Në vendin e tretë qëndron Zlatan Ibrahimoviç. Sulmuesi suedez është një lojtar që ka lëvizur shumë megjithatë kalimi i tij nga Inter për tek Barcelona në vitin 2009 i kushtoi katalanasve 69,5 milionë euro.

Vendi i dytë i takon një ish galaktiku, një magjistari dhe një prej futbollistëve më të mëdhenj të historisë së këtij sporti. Zinedine Zidane ishte blerja më e bujshme e Florentino Perez në periudhën e artë të mandatit të parë ku për ta rrëmbyer nga Juventusi ai u detyrua të paguajë plot 73,5 milionë euro.

Në vendin e parë nuk ka kush të qëndrojë tjetër përvec se Cristiano Ronaldos. Kapiteni i përfaqëueses portugeze vazhdon të mbajë rekordin e transferimeve madje i shkëputur ndjeshëm nga ndjekësit pasi në verën e vitit 2009 ai la Manchester United për tu transferuar në Madrid tek Reali. Shumë që u pagua sërisht nga Florentino Perez ishte 94 milionë euro.
Blerjet me te shtrenjta ne historine e futbollit Images