Frey nuk largohet nga Fiorentina

nga BLERTA Mon 28 Dec 2009 - 5:20

Frey nuk largohet nga Fiorentina

Gardiani francez Sebastien Frey edhe zyrtarisht ka refuzuar ofertën e Manchester Unitedit për t'i mbetur besnik skuadrës italiane Fiorentina. Kështu shkruan të hënën e përditshmja italiane "Tuttosport". Ditë më parë drejtuesit e Manchester Unitedit për transferimin e Freyt gjatë këtij janari patën ofruar 18 milionë euro dëmshpërblim për Fiorentinën. Mirëpo, Frey 29-vjeçar as që ka dashur të dëgjojë ofertën e "djajve të kuq". "Fiorentina nuk ka çka të frikësohet. Frey është përshtatur shumë mirë te kjo skuadër dhe nuk i intereson Manchester Unitedi", ka thënë agjenti Giovanni Branchini. Frey prej vitit 2005 është pjesë e Fiorentinës.