Google, Facebook e Yahoo faqet më të popullarizuara

Vendin e parë në listën e faqeve më të popullarizuara në internet Yahoo e ka humbur në muajin shkurt të vitit 2008, kur fronin e kishte marrë Google. Tani Yahoo e ka humbur edhe vendin e dytë, pasi që atë e ka marrë rrjeti online për shoqërim Facebook.

Analistët e kompanisë Compete kanë publikuar të dhënat më të reja për hapësirat më të popullarizuara në internet. Sipas të dhënave të tyre, Facebook gjatë muajit janar ka shënuar 133,6 milionë vizita unike, Yahoo 132 milionë, derisa gjiganti i internetit Google ka shënuar 147.8 milionë prej tyre.

Megjithatë, sa i përket kohës së kaluar në secilën prej këtyre faqeve të përmendura, Facebook mbetet i papërkulur. Shfrytëzuesit në të kanë kaluar 11.6 për qind të kohës, nga koha e përgjithshme e kaluar online, derisa kjo shifër për Yahoo është 4.25, e për Google 4.1 për qind.
Rritje të madhe të vizitueshmërisë ka shënuar edhe rrjeti për shoqërim dhe mikro-blogje Twitter i cili gjatë janarit 2010 ka tërhequr 21.79 milionë vizitorë unik, që është rritje për nëntë për qind nga muaji dhjetor i vitit të kaluar.

Këto të dhëna kanë të bëjnë me vizitorët nga Shtetet e Bashkuara të Amerikës

shum e vertet sidomos ket tparen e tfundit i perdor shpesh