Stripi i parë i Supermenit shitet për një milionë dollarë

nga Li12i-GG ARMY Tue 23 Feb 2010 - 6:36

New York, 23 shkurt - Një kopje e rrallë e stripit të parë ku paraqitet Supermeni i famshëm është shitur për shifrën rekorde prej një milionë dollarëve, raporton AP.
Heroi i njohur nga planeti Kripton është paraqitur për herë të parë në vitin 1938 në numrin e parë të stripeve “Action Comics”, që admiruesit e konsiderojnë si “Grali i Shenjtë” midis stripeve. Në faqen e parë të stripit është paraqitur duke ngritur automobilin.
Stripi është shitur me ankand nëpërmjet ComicConnect.com, ndërsa emri i shitësit dhe blerësit nuk janë bërë publik.
Rekordin e mëparshëm e mbante numri i njëjtë i “Action Comics”, i cili është shitur për 317 000 dollarë. Kopja e shitur të hënën ka arritur çmimin shumë më të lartë se ajo e pritur pasi është ruajtur më mirë. Çmimi fillestar i stripit ishte dhjetë cent.