Berisha: Të merren masa ndaj aksidenteve

Kryeministri Sali Berisha, duke folur për aksidentet, deklaroi sot se mbi 300 të vdekur regjistrohen çdo vit në vendin tonë, duke theksuar se ka një tendencë në rritje të numrit të aksidenteve rrugore.
Berisha ishte i pranishëm në konferencën për “Sigurinë Rrugore”, të zhvilluar sot në Tiranë, nga ku ka theksuar se rrugët tona vuajnë nga mungesa e standardeve të sigurisë dhe sinjalistikës, raporton Gazeta Start.
“Ne duhet të kemi një plan veprimi konkret për të ulur numrin e aksidenteve”, tha Berisha, duke shtuar se deri më tani nuk është bërë asnjë përpjekje për edukimin e popullatës mbi pasojat e aksidenteve rrugore.