Vdes një e lëndohen 4 persona

nga Li12i-GG ARMY Fri 26 Feb 2010 - 4:08

Malishevë, 26 shkurt – Një person ka vdekur dhe 4 të tjerë kanë pësuar lëndime në një aksident trafiku, që ka ndodhur të premten në orët e mëngjesit në periferi të fshatit Temeçinë, në rrugën rajonale Malishevë-Duhël, njoftojnë burime policore dhe ato nga Qendra Kryesore e Mjekësisë Familjare në Malishevë. Sipas njoftimeve i vdekuri në aksident është Maksut A Gegaj, 36 vjeç nga fshati Lladrofc i Malishevës, punëtor i PTK-së në Therandë, ndërkaq të lënduarit janë nga fshatrat Gjinovc dhe Vraniq të Suharekës. Merret vesh se aksidenti ka ndodhur rreth orës 7e 25 minuta në vendin e qujtur “Bregu i Temeçinës”, në rrugën rajonale Malishevë-Duhël. Sipas burimeve nga Stacioni Policor i Malishevës viktima e këtij aksidenti tragjik, në momentin kritik, po udhëtonte në drejtim të Suharekës me veturën “Audi B4” me targa 448 KS 045, me të cilën ka rrëshqitur në rrugën e mbuluar nga një shtresë e hollë akulli dhe është përplasur me një furgon me targa 540 KS 974. Katër personat, që gjendeshin në furgon, 3 nga fshati Gjinovc dhe një nga Vraniqi, kanë pësuar lëndime të shkallëve të ndryshme dhe sipas njoftimeve ata janë d[rguar për trajtim mjekësor në Spitalin rajonal të Prizrenit, ku mësohet se jeta e tyre nuk është në rrezik. Burim Kilaj, infermier në Qendrën Kryesore të Mjekësisë Familjare në Malishevë, ka njoftuar se viktima e këtij aksidenti ka vdekur në vendin e ngjarjes dhe më kot ekipi i QKMF-së kishte provuar t’i ofrojë atij ndihmën mjekësore. Pasi kufoma e viktimës është sjellë në QKMF-në e Malishevës, ajo është përcjellë për autopsi në Institutin e Mjekësisë Ligjore në Prishtinë.
Në vend të ngjarjes ka qenë edhe policia e Malishevës si dhe zëvendëskomandati i policisë së trafikut rajonal si dhe prokurori