Prizren: Konfiskon euro false dhe arreston 4 veta

nga Li12i-GG ARMY Fri 26 Feb 2010 - 4:10

Prizren, 26 shkurt - Gjatë bastisjeve në dy lokacione në Prizren dhe Suharekë, policia ka konfiskuar një shumë të konsiderueshme të banknotave false. Shuma totale e banknotave false të konfiskuara është 5420 euro, bënë të ditur policia në një komunikatë për shtyp. Banknotat e konfiskuara janë 9 copa nga 500 euro, 32x20 euro dhe 28x10euro. Me këtë rast janë arrestuar katër persona të dyshuar. Ky aksion i suksesshëm i policisë është rezultat i një hetimi njëmujor nga ana e Drejtorisë së Hetimeve të Krimeve Ekonomike dhe Korrupsionit, ku një ndihmë të madhe kanë ofruar edhe qytetarët në zbulimin e kësaj kontrabande me euro false. Policia ka arrestuar A. M (1993 Dragash), D. H (1993 - Suharekë), I.F (1991 - Dragash) dhe Q. Rr (1991 - Suharekë) që të gjithë shtetas të Republikës së Kosovës. Operacioni policor është zhvilluar dje në ora 18:00 duke bastisur një banesë në rrugën "Remzi Ademi" në Prizren dhe një agjension turistik në Suharekë, i cili merret edhe me prodhimin e reklamave të ndryshme. Zyrtarët policorë kanë konfiskuar disa pajisje që dyshohet të kenë shërbyer për falsifikimin e parave si: shtëpiza të kompjuterit, printerë, material tjetër të nevojshëm etj.