BADEA austriake ofron 100 vende të reja pune

nga Li12i-GG ARMY Fri 26 Feb 2010 - 4:13

Prishtinë, 26 shkurt - Nënkryetari i Komunës së Prishtinës, Avdullah Hoti dhe drejtori i Drejtorisë për Ekonomi dhe Zhvillim, Agim Dibrani, sot, pritën në një takim përfaqësuesit e Agjencisë për zhvillimin e bizneseve ne Ballkanin perëndimor nga Austria-BADEA, të shoqëruar nga Agim Shahini, kryetar i AKB-së.

Përfaqësuesit e kësaj agjencie shpalosën programin e tyre për mundësitë e investimit në komunën e Prishtinës, në partneritet publiko privat, në projekte që kanë të bëjnë me punësim e njerëzve me nevoja të veçanta. Projekti i tyre ka lidhshmëri me spitale, kazerma ushtarake, konvikte të studentëve etj.

Për realizimin e këtij projekti, KK i Prishtinës duhet të sigurojë një parcelë prej 2 ha në shfrytëzim dhe të rregullojë infrastrukturën përcjellëse.

"Me këtë projekt, në fazën e parë kjo agjenci ka paraparë të punësojë 100 persona, ku gjysma e tyre do të jenë persona me aftësi të kufizuara, dhe do të investohen rreth 2 milionë euro", tha Werner Gahleitner, drejtori i pastrimit kimik dhe ekspert në BADEA.