“Këngët raciste, Athina cënoi mardhëniet me Tiranën, Ankaranë dhe Shkupin”

ATHINE - Mediat ndërkombëtare raportojnë sot incidentin e ushtrisë greke dhe thirrjet e saj antishqiptare gjatë paradës së Ditës së Pavarësisë me 25 mars 2010 në Athinë.
Mina, Buletini botëror dhe media të tjera ndërkombëtare pyesin nëse Greqia po jeton në vitin 2010 dhe nëse po qeveriset vërtet nga një cabinet socialist, duke shtruar kështu habinë për racizmin e shfaqur jo nga ndonjë organizatë radikale, por nga vetë forcat speciale të marinës greke.
MINA citon se ky incident, i cili nuk iu adresua vetëm shqiptarëve, por edhe turqve e maqedonasve, do të shkaktojë pasoja në raportet e Athinës me Tiranën, Ankaranë dhe me Shkupin.
"Ku është gjithë kjo urrejtje, nga vjen ajo”?, citon Mina pyetjet e shtruara nga disa prej mediave më të mëdha në Greqi lidhur me skandalin.
Këndimet raciste dhe fashiste të marinës greke nuk mund të kalojnë mirë me autoritetet në Ankara, Shkup dhe Tiranë, shkruajnë mediat.