Vjedhja e kromit, arrestime në Bulqizë, dëmi 400 milionë lekë

nga Vizitor Tue 30 Mar 2010 - 8:46

/* */

BULQIZE – UPDATE - Policia e shtetit arrestoi sot në Bulqizë disa persona të akuzuar për
vjedhjen e kromit në minierë.
Sipas të dhënave zyrtare, njoftohet deri tani se janë arrestuar shtetasit:
1. Destan Hekuran Gjeta , vjeç 31.
2. Rinor Bajram Hoxha, vjeç 20.
3. Gentian Kurt Melani, vjeç 26.
4. Ani Fasli Sulku, vjeç 20.
5. Redi Rehit Çekiçi, vjeç 23.
6. Andi Kurt Melani, vjeç 33.
7. Rami Jonuz Biçi, vjeç 27.
8. Nuredin Zabit Jangulli, vjeç 22,
të gjithë banues në Bulqizë.
Ata në bashkëpunim me disa persona të tjerë, sipas policisë, kanë vjedhur kromin në galerinë që është dhënë në përdorim të një kompanie të licencuar. Po ashtu është shpallur në kërkim shtetasi Ilirjan Mehmet Jangulli, vjeç 31, edhe ky banues në Bulqzië.
Arrestimi i këtyre shtetasve është bërë pasi akuzohen se në vazhdimësi kanë vjedhur një sasi kromi prej rreth 1000 ton, me një vlerë prej 400 milion lekë të vjetra, në zonën D, tek galeria nr.48, e marrë me konçension nga kompania Albanian Krom.
Kapja dhe arrestimi i këtyre personave, të cilët akuzohen për kryerjen e veprimtarisë kriminale të vjedhjes në bashkëpunim me përmasa të mëdha, është rezultat i një pune operative proceduriale dymujore të strukturave të hetimit të krimit të Komisariatit të Policisë Bulqizë.
Nga strukturat e policisë janë kryer të gjitha veprimet procedurale dhe materialet në ngarkim të këtyre shtetasve i kanë kaluar Prokurorisë së Rrethit Gjyqësor Dibër. Ndërkohë që vazhdon puna për kapjen e vënien para drejtësisë të shtetasit Ilirjan Jangulli.
Strukturat e Komisariatit të Policisë Bulqizë do të vazhdojnë me intensitet punën për goditjen e parandalimin e çdo lloj veprimtarie kriminale në këtë drejtim.
Policia njoftoi se personat që vodhën sasinë e kromit me vlerë 40 milionë lekë të reja, (400 milionë lekë), ishin punonjës dhe zyrtarë të një subjekti të pa licencuar që kryente veprimtari të paligjshme.
Pak ditë më parë pronari i njërës prej kompanive të licencuara na pre e një atentati me armë në Bulqizë, pikërisht për shkak të konflikteve mes kompanive për nxjerrjen dhe shfrytëzimin e kromit.