Behar Selimi shef i Policisë?

Behar Selimi shef i Policisë?

Kryeministri i Kosovës, Hashim Thaçi ka marrë vendimin për shkarkimin e drejtorit të përgjithshëm të Policisë së Kosovës, Sheremet Ahmeti, ndërsa në vend të tij do të emërojë Behar Selimin.
Siç raporton e përditshmja “Express”, e cila thirret në burimet e saj të mirinformuara, ky vendim tashmë është marrë nga kryeministri Thaçi, dhe pritet të zyrtarizohet qysh sot.
Megjithatë, zëdhënësi i Qeverisë, Memli Krasniqi, ka thënë të mos ketë fare dijeni për diçka të tillë.
Në garë për ta marrë kreun e Policisë së Kosovës, krahas Behar Selimit në media është lakuar edhe emri i Kadri Arifit.