Lucid Lynx në distribucion

Versioni i ri i distribucionit Ubuntu të Linux është në dispozicion për shkarkim nga faqet zyrtare.
Canonical ka lëshuar në distribucion edicionin LTE të versionit të ri të popullarizuar të Linux Ubuntu 10.04, kësaj radhe me emrin artistik Lucid Lynx. Pos ndryshimeve kozmetike, versioni i ri sjell edhe risi tjera siç është nisja e sistemit dhe integrimi më i mirë me rrjetet shoqërore.
Të fundit janë bërë bashkë nën menynë Me Menu ku përdoruesit në mënyrë të shpejtë dhe të thjeshtë mund t’i qasen dhe konfigurojnë shërbimet si Facebook, Twitter, Digg e të ngjashme. Sinkronizimi i të dhënave me ato në re (cloud) bëhet me funksionin Ubuntu One, e në të janë integruar edhe dyqani online i muzikës Ubuntu One Music Store si dhe Ubuntu Software Centre 2.0, një klient i ri për shkarkim të programeve dhe rifreskim të softuerit.

Ekziston edhe version i veçantë për kompjuterë netbook, e të interesuarit mund të shkarkojnë Lucid Lynx-in nga faqet zyrtare.