Babai krenohet me Higuainin

Babai i sulmuesit të Real Madridit,
Gonzalo Higuain, ndihet krenar me het-trikun që e shënoi i biri, në
fitoren e Argjentinës ndaj Koresë së Jugut. Higuain u bë argjentinasi i
parë argjentinas qe 80 vjet, që realizoi tregolësh në një ndeshje të
botërorit, që kur ka filluar ky kompeticion, në vitin 1930.

“Ai bëri një gjë të veçantë dhe kjo më bëri mua të emocionohem
shumë, sepse unë nuk e kam pasur mundësinë të luaj kurrë në një
botëror. Kur biri i juaj e arrin një rezultat të tillë, kur luan në një
profesion të njëjtë, të gjitha ndjenjat zmadhohen. Ai është i
fuqishëm, direkt dhe i shpejtë. Mendoj se ai do më kalonte gjithmonë,
sepse unë nuk isha futbollist i shpejtë si ai”, ka thënë Jorge, babai i
përfaqësuesit argjentinas, Gonzalo Higuain.

Me paraqitjet e
tij te Real Madridi, ku ishte golashënuesi më i mirë në sezonin e fund,
“El Pipita” e fitoi një vend në përbërjen e parë tek Argjentina e
selektorit Diego Armando Maradona. Ai zhgënjeu në ndeshjen e parë, duke
lëshuar disa raste ndaj Nigerisë, kurse në ndeshjen e dytë ndaj Koresë
së Jugut, realizoi tre gola.