Torres mirëpret Interin

Fernando Torres ka mirëpritur interesimin nga Inter. Sulmuesi është njëri prej futbollistëve të Liverpoolit që spekulohet se mund të transferohet në Inter pasi Rafael Benitez iu bashkua fituesit të Ligës së Kampionëve.

“Jam mirënjohës për interesimin e klubeve të mëdha. Nuk mund të them asgjë tjetër përveç se jam i kënaqur dhe mirënjohës. Më duket e zakonshme që klubet e mëdha interesohen për futbollistët kryesor të një klubi që është duke kaluar në një periudhë të vështirë. Por, përveç spekulimeve për aq sa kam njohuri nuk ka asgjë konkrete”, tha Torres për Radio Marca.