Tottenhami nuk e njeh Interin

Tottenhami nuk e njeh Interin

Tottenhami ka vazhduar të tregojë formë jashtëzakonisht të lartë edhe në 1/8-ën e Europa League, duke e deklasuar gjigantin italian, Interin.
Atmosfera në White Hart Lane ishte fantastike në fillim të këtij takimi dhe ndeshja ishte dinamike dhe me gola.

Pas një harkimi të sakt të Sigurdsson në zonë kërceu më lart anësori i jashtëzakonshëm, Gareth Bale, për të shënuar me kokë për 1-0 dhe epërsinë e vendasve.

Në vazhdim Tottenhami bëri shumë presion teksa Interi nuk po e gjente elementin e vet në këtë takim.

Një aksion të mirë të Tottenhamit e finalizoi vet Sigurdsson për 2-0 pas 18 minutash lojë.

Pjesa e parë mbaroi me këtë reztultat, pasi Ricky Alvarez e lëshoi një mundësi të artë në fund të pjesës së parë.

Në pjesën e dytë Andrea Stramaccioni ishte pa zgjidhje, duke inkuadruar në lojë Rodrigo Palacion. Ky nuk ndryshoi shumë gjërat, pasi Jan Vertonghen me kokë nga një goditje nga këndi të ekzekutuar nga Gareth Bale për 3-0 dhe rezultatin përfundimtar të këtij takimi.

Deri në fund Interi tentoi të shënonte një gol të nderit, por Palacio lëshoi një mundësi të artë, që bëri që ndeshja të përfundonte me rezultat 3-0.

Ky rezultat nga ndeshja e parë Interin e lë me pak gjasa për një rikthim sensacional në Giuseppe Meazza të enjtën e ardhshme, e ku nuk do të luajë për shkak të suspendimit Gareth Bale.