Milionerja u le vajzave si trashegimi nga 1 euro

nga **WebMaster** Sat 10 Jul 2010 - 5:56

Kur lexuan testamentin e së ëmës së vdekur, me siguri duhet të kenë menduar se bëhej fjalë për një shaka. Një milionere australiane nga Adelaide, Valmai Roche, e ndarë nga jeta në vitin 2009 në ...
... moshën 81-vjeçare, ka dashur të japë një leksion të bukur për vajzat e saj. Gruaja që zotëronte një pasuri prej më shumë se 3 milionë eurosh, ka dashur t’i lërë Deborah Hamiltonit, Fiona Roches e Shauna Roches një trashëgimi vërtet simbolike: 30 monedha argjenti me vlerë të ulët, “po aq monedha të lara me gjak sa iu paguan Judës”, ka saktësuar ajo në testament. Praktikisht, në një ekuivalente të monedhës së sotme evropiane, vajzave të saj u ka rënë secilës si pjesë nga 1 euro. Ndërsa të gjithë pronat dhe pasurinë ia ka dhuruar një shoqate kristiane si “Knights of the Southern Cross”. Po përse një sjellje e tillë ndaj familjes? Kësaj përgjigjeje i është përgjigjur Valamai në testament, ku shpjegon se i shoqi dhe vajzat, sipas saj, kanë qenë përgjegjëse të vdekjes së të ëmës, Dorothy Maud Haber, e vdekur befasisht në rrethana ende shumë të paqarta. Por s’mbaron me kaq, sepse milionerja në dëshirat e fundit, flet për dhënien e bizhuterive të saj dhe thotë se do të jenë të të bijave, vetëm nëse do t’u përgjigjen me korrektesi pyetjeve ne lidhje me ditarin e saj të shkruar mes vitit 1974 dhe 1981. Domethënë një histori vërtet e pabesueshme, pikërisht me protagoniste nënën që si rrallë herë ka dashur t’i bëjë një "shaka therëse" të paharrueshme pjesës tjetër të familjes.