Juventus, 20 mln euro për Forlan

nga Alberti Sat 17 Jul 2010 - 19:32

Gjiganti i Serie A, Juventus ka nisur përgatitjet për të marrë lojtarin
uruguajan, Diego Forlan, nëse dështon në përpjekjet për Edin Dzeko.
Sipas gazetës “Corriere dello Sport”, klubi nga Torino është impresionuar me
paraqitjen e Forlan në botërorin Afrikë e Jugut 2010 dhe sezonin e kaluar tek
Atletico Madrid.
Forlan ka një kontratë me ekipin spanjoll deri në vitin 2013 dhe një klauzolë
me kosto 35 milionë euro, ndërkohë Juventus ka shprehur gatishmërinë për të
investuar 18-20 milionë euro për blerjen e tij.
Lojtari uruguajan është në fokus edhe të Liverpool, por vetëm nëse ekipi
anglez nuk arrin të mbajë në Anfield, spanjollin Fernando Torres.