I nderuar që kaloi te Juventus

Juventus ka njoftuar përmes ueb faqes së
vet zyrtare se ka transferuar portierin italian, Marco Storari nga
Milan. “Zonja e Vjetër” do t’ia paguajë Rossonerëve 4.5 milionë për tri
vjet. Ndërsa, 33 vjeçari ka nënshkruar kontratë trevjeçare.

“Jam i nderuar që kam kaluar te Juventus. Po arrij në një klub të
madh, i cili ka shpenzuar një shifër të rëndësishme për mua: kjo është
një kënaqësi. Prania e drejtorit Marotta dhe e trajnerit Del Neri ka
qenë vendimtare në zgjedhjen time”, tha Storari i cili mendon se mund
ta zëvendësojë portierin e lënduar Gianluigi Buffon.