Seksi dhe stresi

nga **Binni** Thu 19 Aug 2010 - 11:41

Nëse seksi ta kalon dhimbjen e kokës, pse të mos e pranojmë? Aktiviteti seksual nuk është
vetëm kënaqësi, por tashmë mund të ndihmojë për një jetë sa më të gjatë dhe sigurisht edhe
shumë më të lumtur.

Nuk është ndonjë zbulim shumë i madh,
por duke pasur parasysh zhvillimin e
shkencës, në këtë rast dikush mund të
na shtyjë të shfrytëzojmë këtë minierë
të humorit të mirë dhe të shëndetit. Seksi, mbi
të gjitha, është një analgjezik shumë i mirë. Kjo
për meritë të plotë të hormonit ositoksinë, i cili
prodhohet nga trupi ynë sa herë që ne kryejmë
aktivitet seksual dhe që është përgjegjës për
arritjen sa më të mirë të një orgazme. Falë
ositoksinës arrihet realizimi i endorfinës, të cilat
në nivel trupor provokojnë ndjenjën e kënaqësisë
dhe kërkojnë t‘u japin më shumë frymëmarrje të
mundshme edhe dhimbjeve artikulare e muskulore,
ose ndoshta të zgjidhin edhe dhimbjen e
kokës.
Pse meshkujt i zë gjumi pasi
kryejnë orgazmën?
Kërkimet e ndryshme kanë treguar se përveç
faktit që njerëzit kanë një aktivitet seksual
shumë konstant, janë më të lumtur dhe arrijnë të
kontrollojnë më mirë nivelin e stresit gjatë ditës.
Te çiftet, seksi mund të ndihmojë mjaft mirë për
të përballuar periudhat e stresit, veçanërisht
ato intensive, si, për shembull, në largimin e
tensioneve të përditshme për çdo njeri. Pas një
orgazme, njeriu arrin një stad qetësie dhe relaksi
të veçantë e të thellë dhe ky është motivi për
të cilin shpesh meshkujt i zë gjumi pasi kanë
kryer marrëdhënie seksuale. Gjithsesi, të bësh
seks rregullisht të ndihmon të flesh më mirë
dhe të ndihesh i plotësuar me energji mëngjesin
pasardhës. Natyrisht, një pushim i mirë është
hapi i parë për të arritur kontrollin më të mirë
të stresit gjatë gjithë ditës. Nuk është shumë e
nevojshme të nënvijëzojmë se gjatë aktivitetit
seksual e gjatë një eksitimi të rastësishëm gjaku
pompohet shumë më shpejt nëpërmjet arterieve
dhe venave. Kjo lejon një oksigjenim shumë më
të mirë të lëkurës dhe organeve, e sigurisht edhe
të trurit. Në këtë mënyrë, përmirësohen edhe më
shumë performancat e trupit tonë në çdo nivel, si
në atë fizik, ashtu edhe në atë intelektual. Nëse
ke nevojë të kthehesh në formë të shkëlqyer
dhe të bësh një pastrim, duhet të provosh që të
zëvendësosh dietën e përditshme dhe të shtosh
më shumë seksin në jetën tënde.