Eliminohet Kroacia

nga **LaDescarada** Sun 5 Sep 2010 - 9:58

Kroacia është eliminuar nga Kampionati Botëror, Turqia 2010, pasi pësoi për faj të gjyqtarëve në momentet vendimtare të takimit ndaj Serbisë, që përfundoi me rezultat 73-72, në të mirë të fqinjit tonë verior.
Kroacia e filloi keq takimin, por në vazhdim të çerekut të parë krijoi epërsi solide dhe përkundër dizavantazhit në çerekun e dytë, në pjesën e dytë kroatët hynë më të relaksuar.

Serbia ishte tejet e përqëndruar në çerekun e tretë dhe arriti që në periudhën përfundimtare të hyjë me epërsi të lehtë. Këtu ndihmuan dhe dështimet e kroatëve dhe mbrojtja e dobët.

Çereku i katërt ishte superdramatik. Serbia për një moment pati epërsi prej shtatë pikësh, por Kroacia arriti që ta shkrijë atë me anë të një Marko Popovic fantastik që realizoi 21 pikë dhe pesë asistime.

Pasi Popovic realizoi pikët që u menduan se do ta dërgonin në vazhdime ndeshjen, ndodhi ajo që më së paku është pritur. 11 sekonda pa përfunduar takimi, ishte Davor Kus ai që u ndëshkua me gabim personal, pa e prekur fare basketbollistin serb Rasic, duke i mundësuar këtij të fundit dy gjuajtje të lira, një prej të cilave Rasic e realizoi dhe e kualifikoi në çerekfinale Serbinë.

Serbia në çerekfinale do të takohet me fituesin e duelit, Spanjë-Greqi, që zhvillohet në ora 20:00.