Sot 12 vjet nga vrasja e Azem Hajdarit. Kronologjia e ngjarjes sipas gjykatës

12 SEPTEMBER 2010 10:12

TIRANE—Lajmifundit—Sot shënohet 12 vjetori i vrasjes së deputetit dhe funksionarit të lartë të Partisë Demokratike Azem Hajdari. Vrasja ndodhi 12 shtatorin e vitit 1998 dhe ishte pikënisja e asaj cka do të ndodhte dy ditë më vonë në atë cka u cilësua grushti i shtetit në 14 shtator.


VERSIONI I GJYKATËS PËR VRASJEN
"Pasi kane levizur rreth qendres se Tiranes makina IVECO ka ndaluar diku afer Ushtarit te Panjohur, prane kinema "Partizani", ndersa makina tip Mercedes Benz, me targa VL 0676 B, ka ndaluar prane selise se Partise Demokratike, ne rrugen qe te con per tek hotel Drini. Kane pritur atje per nje kohe dhe rreth ores 21.15 shohin se nga selia e PD-se doli deputeti Azem Hajdari, i shoqeruar nga truproja e tij Besim Cera, dhe me pas bashkohet me ta, dhe shtetasi Zenel Neza. Qe te tre, se bashku, drejtohen per nga vendi ku kishte ndaluar makina Mercedes Benz me targa VL 0676 B, ne te cilen ndodheshin i pandehuri Jaho Mulosmani, Fatmir Haklaj dhe Naim Cangu. Sapo Azem Hajdari, sebashku me dy shtetasit e tjere Cera dhe Neza afrohen tek makina ne fjale, prej saj dalin menjehere shtetasi Fatmir Haklaj, i pandehuri Jaho Mulosmani dhe shtetasi Naim Cangu, duke qelluar me arme zjarri mbi ta dhe duke i shkaktuar vdekjen e menjehershme Azem Hajdarit e Besim Ceres, si dhe duke plagosur rende Zenel Nezen. Ne kete moment, plagoset rende nga Fatmir Haklaj shtetasi Naim Cangu (pjesemarres ne vrasje), ku me vone, nga plaget e marra, vdes ne spital. Me te kryer vrasjen, i pandehuri Mulosmani dhe Haklaj marrin te plagosurin Cangu dhe nisen drejt Spitalit Kirurgjik, ku Fatmir Haklaj komunikon me radio me te pandehurin Izet Haxhia, duke i thene qe te dilte me furgonin IVECO tek rruga e Spitalit Kirurgjik Civil ne Tirane. Kur u afruan tek Spitali Kirurgjik, i pandehuri Mulosmani, se bashku me personat e tjere transportuan te plagosurin Cangu nga makina Mercedes Benz 220 me targa VL 0676 B, tek furgoni IVECO i policise, ku ndodheshin i pandehuri Izet Haxhia, deshmitari Agim Logu, Halil Haklaj dhe Elez Haklaj. Tek makina Mercedes kaluan i pandehuri Izet Haxhia dhe Halil Haklaj, kurse te pandehurit Mulosmani, Fatmir Haklaj, Elez Haklaj shkuan tek Spitali Kirurgjik per te lene te plagosurin Cangu. Pas kesaj jane nisur drejt Tropojes me makinen IVECO policie, me te cilen udhetuan i pandehuri Jaho Mulosmani, Fatmir Haklaj, Elez Haklaj dhe shoferi i saj deshmitari Agim Logu".

hahaahahahahahahah shpejt e bere lajmin hahahahahah

E kapa tani se si kisha pare lajmet fare