Barazon Milani, fiton Reali

Milani nuk ka arritur të shënojë fitore përballë Ajaxit në Amsterdam Arena duke barazuar me rezultat 1-1.

Të parët në epërsi kaluan holandezët, të cilët konkretizuan me gol një aksion të bukur, ndërsa realizues ishte Hamdaoui (23’).



Megjithatë nuk kaloi shumë kohë (37’) dhe Rossonerët barazuan shifrat. Me një krosim të bukur Andrea Pirlo e gjeti Clarence Seedorfin, ndërsa ky i fundit asistoi te Zlatan Ibrahimovic, i cili me fuqi e futi topin në rrjet.



Përkundër lojës së hapur, në pjesën e dytë, asnjëra nga skuadrat nuk arritën të realizojë golin e fitores.

Ndërkohë Real Madridi ka shënuar fitore minimale prej 1-0 si mysafir i Auxerre.

Heroi i mbretërve në këtë takim ishte Angel Di Maria, i cili realizoi golin e vetëm në ndeshje (81’). Një gol vërtet i bukur ky nga argjentinasi.

Pas xhiros së dytë, në Grupin G prin Reali me gjashtë pikë, ndërsa në vendin e dytë gjendet Milani që ka katër pikë pas dy ndeshjesh.