Egjipti të vendosë shumë shpejt për njohjen

Zëdhënësi i Ministrisë së Jashtme të Egjiptit, Hossam Zaki, ka transmetuar në një komunikatë qëndrimin e ministrit të Jashtëm të këtij vendi, Ahmed Abdul Gheit, se Egjipti mund të ndryshojë qëndrim për pavarësinë e Kosovës- njofton KTV.

“Egjipti do të vendosë nëse do ta njohë pavarësinë e Kosovës shumë shpejt, duke marrë parasysh çështjet ndërmjet Kosovës dhe Serbisë.”, thuhet në komunikatë.

Aty shtohet se ministri i Jashtëm i Kosovës, e ka njoftuar homologun e tij Abdul Gheit, për të drejtat e serbëve në Kosovë dhe për përfaqësimin e tyre në Parlament.

Konfirmimi nga Kajroja vjen pas paralajmërimit të ministrit të Jashtëm të Kosovës, Skënder Hyseni, se Egjipti është duke shqyrtuar mundësinë e marrjes sa më parë të vendimit për njohjen formale të shtetit të Kosovës.