Roma pëson disfatë te Napoli

nga **Binni** Sun 3 Oct 2010 - 8:50

Roma megjithatë nuk është kthjellur dhe ka vazhduar qëndrimin në krizë, pasi që ka pësuar dhe humbjen e radhës ndaj Napolit me rezultat 2-0 në transfertë.

Për nga ana e posedimit Roma e dominoi këtë ndeshje, por nuk ishte kështu në aspektin e rasteve të treguara. Pas një pjese të parë të përfunduar pa gola, pjesa e dytë ishte diç më e gjallë.

Marek Hamsik kaloi në epërsi napolitanët pas asistimit të Andrea Dossenas për gëzimin e madh në San Paolo (72’). Rezultatin e dyfishoi dhjetë minuta më vonë (83’), Juan me anë të një autogoli, duke ia siguruar kështu Napolit tri pikë të reja.

Napoli me këtë fitore ngjitet në pozitën e dytë me 11 pikë të tubuara pas javës së gjashtë, kurse Roma vazhdon të jetë në krizë, me vetëm 5 pikë në pozitën e 18-të. Vlen të përmendet se Lazio e ka rikthyer lidershipin në Serie A pas fitores minimale ndaj Brescias, me 13 pikë të tubuara pas gjashtë javësh. /