Gjirokastër, digjen dy automjete

Dy automjete në pronësi të një qytetari nga Gjirokastra janë djegur plotësisht nga zjarri mëngjesin e të dielës, ndërkohë që policia ka nisur hetimet për të zbardhur shkaqet.

Sipas Gazetës Start, policia e qytetit jugor bën të ditur se automjetet tip Volkswagen “Golf 5”dhe Mitsubishi “Pajero”, më targa të Gjirokastrës, ishin në pronësi të Dhimitër Miçit. Sipas policisë, mjetet ishin parkuar në lagjen “18 Shtatori”, kur u përfshinë nga flakët rreth orës 04:00 të ditës së sotme.

Policia ende nuk ka një version lidhur me këtë ngjarje, ndërkohë që ky është rasti i tretë gjatë këtij viti që digjen automjete në qarkun e Gjirokastrës.