Digjen pyjet në Dukagjin, banorët: Asnjë ndihmë nga qeveria

PRISHTINE-Në rrafshin e Dukagjinit, konkretisht në Deçan vazhdojnë të digjen qindra hektar me pyje.
Burimet bënë të ditur se janë 2 vatra zjarri, një në Deçan dhe tjetra ne Manastirin e Deçanit.
Fatmirësisht nuk ka viktima në njerëz, por vijon ende tu kanoset rreziku banorëve që jetojnë në atë pjesë të vendit.
Drejtori për shërbime publike, Admir Hasani në Deçan ka deklaruar se kanë arritur ta lokalizojnë flakët vetëm afër Manastirit te Decanit, ndërsa ajo që rrezikohet me së shumti janë Bjeshkët e Cerrnabregut e që janë përfshirë nga flakë të fuqishme. Në vendngjarje ndodhen rreth 20 zjarrfikëse dhe dhjetra vullnetarë, por pavarësisht tentativave, flakët vijojnë

Shumë nga ekipet e shpëtimit kanë vendosur që deri nesër në mëngjes të mos ndërhyjnë për shkak se terreni është shkëmbor dhe me tepër rrezik.
Pritet që gjatë natës të bjerë intensiteti i zjarrit.

Ndërkohë banorët bënë të ditur se zjarri ka përfshirë edhe 1 shtëpi, por jo dëme në njerëz.

Lidhur me ngjarjen, policia e rajonit të Pejës është e pa kontaktueshme. Ky zjarr sipas banorëve është duke shkaktuar dëme shumë të mëdha. Ata ankohen se qeveria kosovare nuk ka treguar interes për situatën e krijuar në zonën e tyre.
Arsyet e kësaj katastrofe mjedisore nuk dihen ende, nëse zjarret shpërthyen nga temperaturat e larta apo nga dora e njerëzve të pandërgjegjshëm.

(d.b/BalkanWeb)