Ndahen dy milionë euro për zgjedhje
Faqja 1 e 1
Ndahen dy milionë euro për zgjedhje
Qeveria e Kosovës ka zotuar dy milionë euro për fillimin e përgatitjeve për zgjedhjet “e parakohshme”. Zotimit i ka paraprirë një kërkesë e Komisionit Qendror Zgjedhor (KQZ) adresuar sot Qeverisë.
Vendimi për ndarjen e mjeteve është marrë në mungesë të caktimit të datës së mbajtjes së zgjedhjeve nga ana e ushtruesit të detyrës së presidentit, por është dhënë garanci për alokimin e tyre. Ndarja e këtij buxheti për KQZ-në, pason akordimin e partive politike, që Kosova të shkoj në zgjedhje të parakohshme, pas dorëheqjes së presidentit Fatmir Sejdiu.
Kryeministri Hashim Thaçi tha se është e rëndësishme që qeveria ka mirëkuptim për kërkesën e KQZ-së për ndarjen e këtyre mjeteve. Por zëvendëskryeministri Ramë Manaj, që vjen nga radhët e LDK-së, tha se ndarja e këtyre mjeteve pa u caktuar data e zgjedhjeve, paraqet paragjykim në lidhje me zgjedhjet e parakohshme.
Por kryeministri Thaçi ka thënë se mjetet duhet t’i ndahen KQZ-së, në mënyrë që ky institucion të arrijë të organizoj zgjedhjet në mënyrën më të mirë të mundshme.
Ndërkaq, dy kërkesa tjera të KQZ-së nuk janë aprovuar nga Qeveria: kërkesa për rritjen e pagave të punëtorëve të KQZ-së dhe ajo për të aplikuar tenderë njëburimor në aktivitetet e prokurimit, që lidhen me zgjedhjet e parakohshme.
Similar topics
» Ora zvicerane shitet për 4.4 milionë euro
» Pasanikja la 8.3 milionë euro për qentë
» Mberrijne recipetat 2.2 milione euro
» Ribery në Madrid për 50 milionë euro
» Dy milionë euro derdhen në rrugë
» Pasanikja la 8.3 milionë euro për qentë
» Mberrijne recipetat 2.2 milione euro
» Ribery në Madrid për 50 milionë euro
» Dy milionë euro derdhen në rrugë
Faqja 1 e 1
Drejtat e ktij Forumit:
Ju nuk mund ti përgjigjeni temave të këtij forumi