Në Poreç të Kroacisë mësohet shqip

Fëmijëve shqiptarë së fundi u është dhënë mundësia që në shkollën fillore të Poreçit të mësojnë gjuhën dhe kulturën shqiptare. Sipas portalit “T-portal.hr”, planprogramin mësimor sipas modelit C, i miratuar nga Ministria e Arsimit e Kroacisë, prej këtij viti shkollor e ndjekin rreth 50 filloristë.

Sipas kryetarit të Këshillit Nacional të Pakicës Shqiptare të qytetit të Poreçit, Idris Sulejmani, të interesuar ka edhe në mesin e nxënësve të shkollës së mesme.

“Ky është model i ri sipas të cilit fëmijët shqiptarë mësojnë gjuhën dhe të shkruarit shqip njashtu si edhe kulturën dhe historinë shqiptare.

Programi, sipas këtij modeli, nuk është i njëjtë si ai i lëndëve zgjedhore, siç janë informatika apo gjuha e huaj dhe kësisoj nxënësit, me pëlqimin e prindërve, vullnetarisht e zgjedhin këtë lëndë. Deri tani kemi dy grupe fëmijësh që ndjekin këtë lëndë – njëri prej klasës së parë deri në klasën e katërt dhe tjetri prej klasës së pestë deri në klasën e tetë – kryesisht të pakicës shqiptare dhe jemi të hapur për të gjithë ata që kanë dëshirë ta ndjekin këtë lëndë. Nga nxënës tanë të shkollës së mesme kemi marrë kërkesa, por ka edhe nga ata që tashmë e kanë përfunduar shkollën e mesme”, ka thënë Sara Sulejmani – Xhelili, e cila në masë të madhe ka kontribuuar për konkretizimin e kësaj ideje.

Për faktin që shkolla fillore e Poreçit ka numër të madh nxënësish dhe mësimi zhvillohet në dy ndërresa, për mbajtjen e lëndës së shqipes ka qenë e vështirë të harmonizohen terminët dhe për këtë mësimi i gjuhës shqipe dhe i kulturës shqiptare mbahet çdo të shtunë paradite me nga dy orë mësimore për secilin grup.

“Deri tani po funksionon mirë dhe jemi krenarë për këtë. Edhe si prind jam shumë e lumtur që me fëmijë mund të mësoj diçka që unë nuk kam pasur mundësi ta mësoj në fëmijërinë time. Ministria e ka miratuar këtë kërkesë qysh para dy vitesh, por ka qenë shumë vështirë të gjejmë kuadro. Por këtë çështje tashmë e kemi zgjidhur dhe kemi angazhuar albanologun përkatësisht profesoreshën e gjuhës shqipe dhe të kulturës, e cila çdo të shtune udhëton nga Pula”, ka thënë Sara Sulejmani - Xhelili.

Ajo thotë se programi sipas modelit C, në Rjekë po aplikohet tash tri vjet (prej vitit të kaluar në Shkollën Qendrore në Pulë, ku me këtë planprogram zhvillohet mësimi për pakicën maqedonase) por në shkollën Poreçit ani pse ka filluar këtë vit, ka më shumë nxënës që mësojnë shqip dhe kulturë shqiptare.

Me rastin e futjes së gjuhës dhe të kulturës shqiptare në shkollën fillore të Poreçit, të enjten (sot), në qytetin kroat do të mbahet një ceremoni solemne, ku pritet të marrin pjesë mysafirë të shumtë.

“Kjo për fëmijët tanë është një ngjarje historike”, ka thënë kryetari i Këshillit Nacional të Pakicës Shqiptare të qytetit të Poreçit, Idris Sulejmani, duke shtuar se kanë nisur bisedimet për futjen e lëndës së gjuhës dhe të kulturës shqiptare edhe në shkollat e mesme të këtij qyteti. 

Në Poreç të Kroacisë mësohet shqip | Facebook

Interesant vallaaaa....nja 2 here jam kon me shkoll ne Poreq(ne deti) celebrate005

ps: gjithkun ne diaspor po e mesojn shqipen vetem ketu ne slo jo ihiuuu

Qenka me te vertet shum interesante;