FSK-ja i shkon në ndihmë të përmbyturve në Shkodër

Prishtinë, 2 dhjetor – Gjendja e përkeqësuar nga përmbytjet në veri të vendit ka detyruar autoritetet shqiptare të kërkojnë ndihmë nga Qeveria e Kosovës, përkatësisht nga Ministria e Forcës së Sigurisë.

Ministri i FSK-së, Fehmi Mujota ka autorizuar Komandantin e FSK-së, gjenerallejtënant Sylejman Selimin që të nxjerrë Urdhrin Operacional për dislokim të njësitit të Kërkim-shpëtimit të FSK-së në veriun e Republikës së Shqipërisë.

Komanda e Forcës Tokësore të FSK-së po merr të gjitha veprimet e nevojshme për dislokim të njësive përkatëse sa më parë që të jetë e mundur.

Kjo është hera e dytë që FSK-ja ndihmon Republikën e Shqipërisë për përballimin e situatave të jashtëzakonshme.

Leo nuk jan per tu tallur nese ke ndonje postim me teper per kete gjendje ok nese ske nuk eshte per tu tallur postimi jot fshihet nga une

Kryeministri i Kosovës, Hashim Thaçi, ka biseduar të enjten me kryeministrin e Shqipërisë, Sali Berisha, lidhur me vërshimet e mëdha që po u shkaktojnë dëme qytetarëve të veriut të Shqipërisë. Të dy kryeministrat u dakorduan që kjo fatkeqësi njerëzore thërret për solidarizim dhe veprim të përbashkët emergjent dhe humanitar.

“Kryeministri Thaçi i premtoi Kryeministrit Berisha mbështetjen e qytetarëve të Kosovës dhe ndihmën aktive të Qeverisë së Kosovës. Për këtë qëllim, kryeministri Thaçi ka kërkuar që efektivet e Forcës së Sigurisë së Kosovës (FSK) të dislokohen në Shkodër, të cilat do të mbërrijnë në terren të premten, duke treguar kështu ndjenjat e unitetit, humanizmit dhe vëllazërisë”, thuhet në një njoftim të zyrës për informim të kryeministrit të Kosovës.

“Kryeministri i Republikës së Kosovës do t’ju drejtohet të premten qytetarëve të Kosovës për t’i njoftuar për të rejat dhe për gjendjen e krijuar. Këto janë çaste kur të gjithë shqiptarët duhet të jenë të bashkuar”.

Ndërkohë ministri i FSK-së, Fehmi Mujota, ka autorizuar Komandantin e FSK-së, gjenerallejtënant Sylejman Selimin, që të nxjerrë Urdhrin Operacional për dislokim të njësitit të Kërkim-shpëtimit të FSK-së në veriun e Republikës së Shqipërisë.

Komanda e Forcës Tokësore të FSK-së po merr të gjitha veprimet e nevojshme për dislokim të njësive përkatëse sa më parë që të jetë e mundur. Kjo është hera e dytë që FSK-ja ndihmon Republikën e Shqipërisë për përballimin e situatave të jashtëzakonshme.

.