Vargje per Veten

Nuk i di askush, të fshehtat brenda meje

Nuk e di askush, zemërimin që unë mbaj

Ju që thoni se më njihni,

Jo, jo…

Se nga vij, ku shkoj

Dhe çfarë dua nuk e dini

Rrethuar jam prej atyre

Që thonë se më njohin

Por gabojnë.

Ata emrin, vetëm emrin ma dinë

Askush nuk i di, dëshirat e mia

Mendimet e mia, askush nuk i kupton

Fjalët dhe lutjet e mia

Edhe pse me zë të lartë

Askush nuk i dëgjon.

Ndaj dua të iki, larg nga kureshtarët

Se mos të fshehtat e mia një ditë zbulojnë

Por nëse vendos, sërish të kthehem

Të fshehtat e mia

Ata prap s’do ti mësojnë

Nuk më njeh askush

Jo, jo, askush nuk më njeh…

Pres

Unë vazhdoj të të pres i dashur
Përsëri dhe përsëri
Edhe pse më the: mos më prit
Se unë, nuk kthehem më tek ti!
Jo, jo, nuk i besoj gojës
Që ato fjalë i nxori
Të lutem, pra ti kthehu
Se malli si asnjëherë, më mori
Unë e di
Edhe pse të vështirë e ke
Ti do të kthehesh
Dhe në krahët e mi
Si dikur do të prehesh.

Rruga

Rruga është ajo,
Që më çon çdo ditë në punë
Rruga është ajo
Që më kthen në shtëpi pas saj
Rruga më sjell tek ti
Sa herë dua
Më ndan prej teje
Kur me ty bëj fjalë
Rruga më çon kudo që dua të shkoj
Më çon atje ku do ajo vetë
Rrugët e jetës janë shumë
Deri ku do të më çojnë
Se di?!..

Shpirti i Trazuar


Nuk më vjen asnjë mendim

Ka kohë që s’jam këtu

Shpirti më është trazuar

Dallgët e jetës, e kanë çuar

Se di se ku…

Ndaj mos pyesni pse po hesht

Derisa dallgët të qetësohen

Se kur deti të jetë i qetë

Paqtuar ta kem zemrën,

Do të ulem me ju në breg.

Ditet me Shi


Ndryshe nga dje

Sot bie shi.

Dhe shiu mua më trishton.

Më fut në mendime,

Shpirtin ma trazon.

Më bën të qaj,

Si ky syth që pikon

Më ngacmon kujtimet,

Sekretet më fletojnë si gjethet

S’më lënë të qetë.

Sot bie shi

Ndryshe nga dje.

,,me bote,,,me pelqyen shume qe te dyja klea