KPJ: Qytetarët për koalicionin LDK-AAK

Klubi për Politikë të Jashtme ka prezantuar sondazhin e realizuar para zgjedhjeve, ndërsa nga ky sondazh rezulton se koalicioni më i preferuar i kosovarëve është ai ndërmjet Lidhjes Demokratike të Kosovës dhe Aleancës për Ardhmërinë e Kosovës.

Këto janë konstatime të Klubit për Politikë të Jashtme, të bazuara në përshtypjet e një mijë qytetarëve, të pyetur para mbajtjes së zgjedhjeve.

Ndërkaq, referuar sondazhit vazhdimi i një koalicioni në mes PDK-së e LDK-së do të ishte i papranueshëm për qytetarët e Kosovës.

Po ashtu, sipas këtij sondazhi të Klubit për Politikë të Jashtme, qytetarët mendojnë se AKR-ja është subjekti që ka qasje barabartë ndaj të gjitha partive, ndërsa më e afërt shfaqet me LDK-në.

Elektorati i “Vetëvendosjes” preferon që partia të mbetet jashtë qeverisjes, në opozitë.