Piramida, qytetarët firmosin peticionin

nga **WebMaster** Thu 21 Jul 2011 - 11:06

Para Piramidës vijon tubimi qytetar kundër prishjes së strukturës. Qytetarët po firmosin peticionin dhe po vendosin numrat e tyre të telefonit, që në rast të një referendumi të mund të kontaktohen.
Artan Lame, historian dhe mbrojtës i trashëgimisë kulturore, ka vlerësuar praninë masive të qytetarëve, duke ritheksuar se ky tubim nuk është i karakterit politik. Këtu nuk bëhet fjalë për një krah që thotë që Piramida të mos prishet dhe krahu tjetër politik që të prishet. Këtu bëhet fjalë për qytetarët që thonë: “A mund të na dëgjoni edhe neve?””, ka deklaruar Lame.
Ai është shprehur se, me këto justifikime të qeverisë, zor të gjendet një muze tjetër në botë që të ketë funksionuar një periudhë kaq të shkurtër. Të jetë bërë në 88-ën si muze dhe të jetë prishur në 90-ën dhe që në 20 vjet të ketë funksionuar ndryshe. Bëhet fjalë për një cështje që të rinjtë e kanë mbyllur me batutën: “Mbani Enverin, na lini Piramidën””, ka shtuar Lame.