Demshperblimi 100 mie euro per nje operim

Gjykata e Vlorës vendosi dëmshpërblimin e Paskal Nesturit me 100 mijë euro, pasi mjekët e Vlorës i hoqën gabimisht shpretkën dhe një pjesë të zorrës së trashë.
E përditshmja "Gazeta Shqiptare" raportoi të premten se vendimi u mor dy ditë më parë nga gjykatësi Fuat Muka, i cili detyroi spitalin rajonal të Vlorës të dëmshpërblejë pacientin Paskal Nesturi. Nesturi u operua në spitalin e Vlorës pas krizave të forta në bark.

Nesturi shkoi më pas në Greqi ku u verifikua heqja e shpretkës dhe pas kthimit, ai iu drejtua gjykatës së Vlorës me një padi kundra spitalit rajonal Vlorë, ku kërkoi dëmshpërblim prej 70 mijë eurosh për heqjen e shpretkës dhe 30 mijë euro dëm moral.

Ekspertët e mjekësisë ligjore verifikuan gabimet e mjekëve të spitalit të Vlorës, të cilët kanë kryer ndërhyrjes kirurgjikale të Paskal Nesturit. Nga ndërhyrja e padrejtë kirurgjikale pacientit i është shkaktuar paaftësi e përhershme për punë