Drini i bardhe

nga Єямєℓiиdå Mon 10 Jan 2011 - 23:22

Drini i Bardhë është lumë që përshkon pjesën perëndimore të Kosovës, respektivisht Rrafshin e Dukagjinit. Drini buron rrëzë malit të Rusolisë nga gurra e shpellës së Radavcit, në 586 metra lartësi mbidetare, ku krijon edhe një ujëvarë të bukur, para se të zbresë në rrafsh dhe bashkohet afër qytetit të Kukësit me Drinin e Zi për të formuar Drinin që në antikë njihej me emrin Drilon.

Sasia e burimit arrin 30 metra kub në sekondë, ku krijon edhe një ujëvarë të lartë prej 30 metrash. Sipërfaqja e ujëmbledhësit të Drinit të Bardhë në Kosovë është 4265 kilometra katrorë. Ka regjim mesdhetar, me maksimum në mars dhe nëntor, e minimum në maj dhe shtator. Në territorin e Kosovës, Drini gjarpëron për 122 kilometra në drejtimin veri-jug. Ai mbledh me vete edhe ujërat e Lumëbardhit të Pejës, Erenikut e Lumëbardhit të Prizrenit.

Me një madhësi prej 4.646 km², baseni i Drinit është më i madhi nga katër basenet ujëmbledhëse të Kosovës.