Berisha: Të mërkurën do ketë manifestim të fuqishëm paqësor

Kryeministri i vendit Sali Berisha, doli në mesditë në një konferencë për shtyp, ku ka akuzuar Edi Ramën si përgjegjësin e vetëm të kësaj tragjedie, vetëm për të marrë pushtetin me dhunë. “Trafikantë delikuentë u paraqitën deri në orën një të natës disa herë me mediat e vendit duke u përpjekur të lajë duart me krimin e shëmtuar. Përpjekje për të marrë kryeministrinë ku humbën jetën 3 qytetarë, u plagosën 27 anëtarë të forcave të rendit. Akti juaj anti pushteti ka emrin tuaj dhe për këtë do të përballeni me të gjitha pasojat. Edvin Kristaq Rama, skenari puçist i djeshëm, sulmi për të sulmuar kryeminstrinë u drejtua e pagua vetëm nga ti, dhe je ti drejtues i skenës antikushtetuese të cilën e montove për të akuzuar kryeministrin”. Kryeministri Sali Berisha lëshoi thirrjen për një manifestim të fuqishëm paqësor e cila do të zhvillohet ditën e mërkurë, kjo për ti thënë kundër dhunës dhe pro paqes. “Të japim mesazhin që pret bota e qytetëruar në mënyrë që faktet e shëmtuara e aktet e dhunshme të bien dhe të largohen nga memoria” deklaroi Berisha. ku ka paralajmëruar lidershipin e opozitës se do të përballet me pasojat për demonstratën e dhunshme të ditës së djeshme, që u mbyll me tre viktima. Kreu i qeverisë e ka akuzuar më tej liderin e socialistëve se ka manipuluar mediat, duke i përdorur ato për të manipuluar videon Meta-Prifti dhe për të mos treguar pamjet reale të demonstratës. “Je ti zoti Rama shkelja e parimeve kushtetuese që montove videon për të akuzuar kryeministrin. Je ti Edvin Kristaq Rama që drejtove sulmin para kryeministrisë dhe që më pas mediat e kthyera në hanxharin tënd, dhanë pjesë të tjera”, ka theksuar Berisha, i cili ka paralajmëruar të gjithë “mercenarët” e akteve të dhunës se do të përballen me drejtësinë. “Për çdo shkelje ligji të gjithë mercenarët do të marrin përgjigjen dhe dënimin e merituar. Nuk ka forcë në botë që të pushtojë demokracinë e Shqipërisë, vend anëtar i NATO”, ka shtuar Berisha. Kreu i qeverisë ka mohuar kategorikisht të jetë qëlluar me armë zjarri nga zyrat e kryeministrisë, si dhe ka paralajmëruar edhe mbajtjen e një mitingu paqësor ditën e mërkurë, "për të dhënë mesazhin që pret bota e qytetëruar nga Shqipëria dhe që aktet e shëmtuara të ditës së djeshme të fshihen sa më shpejt nga memorja".