Ligji për armët e zjarrit

Çfarë thotë saktësisht neni 25 i ligjit për gardën: Punonjësi i Gardës përdor armën në rastet e përcaktuara në ligjin Nr.8290, datë 24/2/1998 “Për përdorimin e armëve të zjarrit”, si edhe në rastet kur sulmohen: personalitetet e larta shtetërore të vendit dhe të huaja; rojet dhe objektet në ruajtje.
Çfarë thotë ligji për përdorimin e armëve të zjarrit? Në nenin 5 thuhet se armët e zjarrit nuk lejohen të përdoren kundër personave që në dukje tregojnë se janë të mitur (fëmijë), gra dhe pleq, në vende publike, ku ka mbledhje e grumbullime njerëzish dhe vihet në rrezik jeta e të tjerëve.

Një ditë më pas, gjurmët e plumbave u gjetën deri në xhamat dhe muret e kullave binjake.

E megjithatë, edhe në situata të tilla armët mund të përdoren. Armët e zjarrit në këto raste, thuhet në ligj, mund të përdoren vetëm kundër personave të veçantë që kryejnë vepra të dukshme dhune kundër personit ose pasurisë, që në vetvete përbëjnë shkelje të rënda të ligjit dhe kur përdorimi i masave të tjera shtrënguese nuk ka dhënë rezultatet e dëshiruara.

Atë ditë, të tre viktimat kanë qenë duke e ndjekur situatën nga larg, shumë metra larg kangjellave rrethuese të Kryeministrisë.