Greqi, arrestohet për ekstradim shqiptari i kërkuar për prostitucion

nga **WebMaster** Sat 12 Mar 2011 - 23:36

Zyra Qendrore Kombëtare Interpol Tirana informon se ditën e djeshme në datën 10.03.2011, nga Interpol Athina në Greqi, është bërë i mundur arrestimi me qëllim ekstradimi drejt Shqipërisë, i shtetasit shqiptar Shaip (Vasillaq) Jonuz LULJA, 44 vjeç, lindur në Shegas-Lushnjë.
Policia tha se gjykata e Rrethit Gjyqësor Elbasan, me vendimin nr.49, datë 03. 07. 2002, e ka dënuar shtetasin e mësipërm me 10 vjet burg, për kryerjen e veprës penale të “Shfrytëzimit të prostitucionit në rrethana rënduese”, parashikuar nga nenet 114/a, pika 5 e 6 të Kodit Penal të Republikës së Shqipërisë.
Si rezultat i bashkëpunimit të Interpol Tirana me Interpol Athinën, në datën 10.03.2011, u bë i mundur arrestimi me qëllim ekstradimi drejt vendit tonë, në Egio – Achaia, Greqi, i shtetasit Shaip(Vasillaq) LULJA.