Zyrtare: Mbi 10 mijë viktima nga tërmeti në Japoni

nga Prada Tue 15 Mar 2011 - 23:04

Toki, 15 mars- Numri i viktimave nga tërmeti dhe cunami shkatërrimtar, të cilën të premten e goditen Japoninë, ka tejkaluar 10.ooo, ka njoftuar sot agjencia nacionale policë së Japonisë duke theksuar se në këtë bilanc janë llogaritur edhe rastet e deritashme të vdekjeve dhe të personave që konsiderohen të zhdukur. Policia deri tash ka identifikuar mbi 1000 trupa nga të cilët 420 ua ka dorëzuar familjeve, ka njoftuar agjencia japoneze. Kjodo.
Në ndërkohë, autoritetet në Tokio kanë vlerësuar se pas shpërthimeve të reja në centralin bërthamor Fukushima, niveli i rrezatimit në kryeqytet sot është rritur 10 herë mbi normalen, por megjithatë kjo nuk paraqet rrezik të madh për jetën e njerëzve. Deri më tash janë shpëtuar mbi 25.ooo njerëz, ndërsa nga 10.OOO personat e konsideruar si të zhdukur në prefekturën e Miagyt, 2.ooo sish kanë mbijetuar. Sipas informatave në mbi 2.500 vendstrehime në mbarë vendin janë vendosur mbi 520.ooo njerëz, ndërsa një nga preokupimet më të mëdha është se këtyre t’iu ofrohet ushqim, batanije, gaz dhe ilaçe.
Autoritete në Japoni kanë njoftuar se nga tërmeti janë shkatërruar plotësisht ose pjesërisht 72.945 ndërtesa.