Kinezja që jeton në 2 m katrorë !

Se disa banesa janë ekstrem të vogla dhe se nuk e meritojnë as të quhen banesa, dëshmon edhe një storie për shtëpinë më të vogël që vjen nga Kina.
Inxhinieri i pensionuar Huang Risin nga Pekini, në moshën e tij 78-vjeçare është kujtuar si të sigurojë pension të madh. Ai në shtëpinë e tij ka rregulluar tetë vende për banim, duke e lëshuar me qira secilin nga 25 euro në muaj.
Ndonëse Risin pohon se qëllim i tij kryesor nuk është fitimi, por të ndihmojë të rinjtë që nuk kanë mundësi të sigurojnë banesë me qira të shtrenjta, sipërfaqja që ai e lëshon me qira është shumë e pazakontë, kurse cilësia e jetesës në të me shumë pikëpyetje.
“Dhomëzat” që ai i ka rregulluar për t’i lëshuar me qira janë më të vogla se dy metra katrorë. Në secilën nga to ka vend vetëm për një dyshek fjetjeje dhe një policë të vogël për gjësendet më të domosdoshme.
Pasi nuk mundi t’i lëshonte me qira, pensionisti kinez vendosi t’i ofrojë pa pagesë dhe vetëm pas këtij testi arriti të sigurojë qiraxhiun e parë.
25-vjeçarja Zhang Qi jeton në Pekin tash pesë vjet dhe punon për një agjenci të shpalljeve, ku fiton rreth 380 euro në muaj. Ajo ka banesën e saj, por atë e ka lëshuar me qira për të siguruar të ardhura më të lart mujore, kurse vet ka dalë të jetojë në “banesën” prej 2 metrave katrorë. Me gjithë kushtet tejet të pavolitshme, transmeton portali 24ur, ajo ka vendosur të qëndrojë në këta dy metra të paktën një vit e ndoshta edhe më shumë.

si ka mundesi ne nje vend kaq te vogel..................