Presidentët do takohen në Ohër

Më 11 dhe 12 korrik në Ohër do të zhvillohet takimi i tretë rajonal presidencial, ku presidenti i Shqipërisë, Bamir Topi, homologia e tij kosovare, Atefete Jahjaga dhe presidenti i Malit të Zi, Filip Vujanoviç, do të priten nga presidenti maqedonas Gjerogj Ivanov. Zyra e shtypit të presidentit Ivanov njofton se takimi do të mbahet në Ohër dhe do të diskutohet lidhur me proceset integruese në BE dhe NATO, si dhe tema të tjera, të cilat duhet t’i lehtësojnë këto procese, si përforcimi i demokracisë dhe reformat, bashkëpunim ekonomik dhe nxitje e investimeve rajonale, ndërlidhja infrastrukturore dhe energjetike, bashkëpunimi tejkufitar në luftën kundër krimit, etj. Takimi i parë në këtë format është mbajtur në Vlorë, në vitin 2009, ndërsa i dyti në Prizren të Kosovës, vitin e kaluar. /albeu.com/