Ushtria intervenon në Ohër

Qeveria e Maqedonisë, që mbrëmë ka formuar pesë ekipe mobile për vëzhgimin dhe përcjelljen e situatës me nivelin e ujit dhe përmbytjet eventuale, që do të punojnë gjatë dy muajve të ardhshëm.
Një nga ekipet e formuara, është angazhuar në Ohër, përfshirë këtu edhe mbi 200 ushtarë të ARM-së, të cilët janë angazhuar në përgatitjen dhe vendosjen e argjinaturave në bregun e Liqenit të Ohrit, në shëtitore, që konsiderohet pika më e ulët e qytetit të Ohrit, të cilën dallgët e Liqenit e lagin thellë dhe dëmtojnë edhe vetë shëtitoren.
Ekipi mobil me angazhimin e ushtarëve të ARM-së dhe të Drejtorisë për mbrojtje dhe shpëtim si dhe të Drejtorisë për menaxhimin e krizave, gjatë natës kanë intervenuar edhe në fshatrat Radozhdë dhe Kalishtë të Strugës.
Vlerësimet e bëra nga ekspertët e Ministrisë së bujqësisë dhe të drejtorisë së ujërave, kanë qenë gati identike me vlerësimet e ekspertëve të Fakultetit të ndërtimtarisë, për intervenimin në këto pjesë të qytetit, për të shpëtuar nga dëmtimet shëtitoren dhe rrugën skaj liqenit, si dhe pjesën e rrugës Ohër-Shën Naum, afër fshatit Peshtan.
Gjatë ditës së sotme, ekipet mobile përfshirë edhe ushtarët e ARM-së, i ka vizituar edhe ministri i mbrojtjes Zoran Konjanovski, i cili deklaroi se ushtria bashkë me qytetarët do të intervenojë drejtë prevenimit të situatave më të vështira, për të shmangur përmbytjet.
Deri të mërkurën pasdite, janë mbushur mbi 10.000 thasë me rërë, të cilët do të shërbejnë për argjinaturat buze Liqenit të Ohrit dhe vendbanimeve tjera të rrezikuara.
Situata vazhdon të jetë e nderë për sa i përket nivelit të ujërave, sidomos të Liqenit të Ohrit, që është mjaft e lartë mbi kuotat maksimale